كورمەنىڭ ماقساتى – قازاق قولونەرى تاريحىندا ۇلتتىق ناقىشتا جاسالعان زەرگەرلىك بۇيىمداردىڭ ماڭىزدىلىعىمەن حالىقتى تانىستىرۋ.
كورمەگە مۋزەي قورىنان الىنعان 150-گە جۋىق زەرگەرلىك اشەكەي بۇيىمدار, اتاپ ايتقاندا سىرعالار, بىلەزىكتەر, جۇزىكتەر, ساقينالار, وڭىرجيەك, بويتۇمار, شولپى, شەكەلىك, تۇيمەلەر, قاپسىرما, ايەل مەن ەرلەر بەلبەۋلەرى جانە اشەكەي توپتامالارىنىڭ تۇرلەرى, ساۋكەلە, كيمەشەك, تاقيا, كامزول, ەر-توقىم, كادەسىيلار قويىلدى.
ونىڭ ىشىندە ءحىح عاسىرعا جاتاتىن كونە اشەكەيلەر مەن جەرگىلىكتى قولونەر شەبەرلەرىنىڭ قولىنان جاسالىپ شىققان اشەكەي بۇيىمداردىڭ توپتامالارى دا ۇسىنىلدى.
كورمەنىڭ اشىلۋ سالتاناتىنا مۋزەي ارىپتەستەرى, زيالى قاۋىم وكىلدەرى, قالا تۇرعىندارى جانە ولكەتانۋشىلار قاتىستى.
راۋشان نۇعمانبەكوۆا
سۋرەتتى تۇسىرگەن اۆتور
سەمەي
